JI ÎRO RE...

JI ÎRO RE...

*Belkî jî hilbijartin ji kurdan re bi kérî helwesteké, bertekeké bé. Bibe moral û kéfxweşiyeké. Bibe hevgirtin û yekîtiyeké. Bibe çalakî û tevgereké. Bibe piştgirî ji girtî û tahdedîtiyan re. Lé bi #Demirtaş re.
*Bi qasî sé hilbijartinan peyvén qerrase, qerf û henek hiştine li derve, di hundur de be çi ye, ji xwe her tiştî dide fémkirin #Demirtaş

*Mamoste #Ayşe sembolek e, helwestek e, nîşanek e... Zarok héjayî parastiné ne...
*Hûnnivîsa kurdî, ji bo hûn di nivîsa tirkî de 'meşhûr' bibin bi kar bînin, Xwedé we efû nake ha! :)

Ahûra Mazda jî Zerdeşt jî we efû nake. :) Ji xwe çend nivîskar mane ku tené bi kurdî dinivîsin!? Wek bizré li ber qelihandiné. :)

*Hinekan hé nû dest bi xwendina dîroké kirine, hinek jî ji bo serkeftiné gihaştine dawiya wé dîroké.

Belkî jî tevgerén hûn rexne dikin û tiştén hûn dixwazin téne cîh, lé hûn di xew de ne bi cîh... Xewa zer…

*Belkî jî hesabé min asteng dikin bi cîh :)

*Ne hewce ye hûn bibéjin bila nivîskarek her tim biaxive, ji xwe axaftinén wî di pirtûkén wî de ne... Kerem bikin bistînin û guhdar bikin careké...

*Bi dahfdana yekî û yeke din ku we ji nivîskarekî hez kiribe an we nefret jé girtibe, teqez rojeké hûné polî poşman bibin. A baş hûn bi xwe pirtûkén wî bixwînin û pûanan bidiné.

Di siyaseté û hemû qadén jiyané de jî gellek caran poşmanî çédibin…

*#herkesbuyebloger , pir baş e ji bo nivîsa kurdî. Lé belé vé bloga han deh sal beré vebûye ha! :) http://ciyamazi.blogspot.com 

***KÊ GOTIBÛ (...) Kê ji min re gotibû Girêbide sibehan Û êvaran berde Bide dû stêrkan Kê ji min re ewqas got Bêhn bike kevir û çiyan Tahma nivîsan Toza kaxetan Çima dûrketim ji baxê dêyan Ji rengê keziyan... Ku Bûye sedema barkirina kenê min (…)

*KAMÎ VATIBI ( ...)kamî min ra vatibi Girê bidi sibanoyan Û veradi şewan Bidi dim astareyan Kamî min ra hintayê vat Boy biki kera û koyan Tama nuşteyan Toza kaxitan Çira dûr kewta baxên mayan Rengê kêzîyan ra Ku bîyo semedê barkerdişê wîyayişê min (…)

***Werger Ehmedo bira… *ji Pirtûka Baranên Çilesrî perçeyek helbestê…

-Ji Twîtterê- M. Çiya Mazî

EW  BAJAR       
Ez diçûm kîjan derê wî bajarî  Ku li bin guhê dîwarên wî diketim   Her serê qorziyekê wateyek dihewand ji êşan Û her dawiya kuçeyeke tarî, dilêkî kevirî  Carinan dibûn şîmaq  Û  kêmcaran gulên bi sitrî li ser rûyê min… Ji ber wê ew awirên hişk ji dilê bi hizin derketin Û ji ber wê bê silav û bê xweşûbêş dûrketin  Ji koxikan bi tengala terkîwelatiyan re teriqîbûn
Qey ez xeyidîbûm ji te ey bajar nizanim Belkî di guftûgoyên bê hefsar de bêhnçikyayî dibûm Belkî jî li yarîgehên te ji dilbendî û dilqefesiyê zivêr bûbûm
Min bêrîkirinên xwe xistin bahola xwe û çûm  Min awirên xwe ji berriyê dan hevdû Û ji ser keviran pelînên xwe û likumandinên xwe Eşkere kirim çongşikestinên xwe  Girêk û gerînokên qirika xwe şanî wan kirim û çûm
Li ser striyên rêya min xwe avêtin erdê hewariyan Fîkandinên rojhilatî bi newayan newalên kemanjenan dagirtin Ji şaxan ber bi lûtkeyan firiyan balindeyên bajarî Bi wan re kevokan ji ser kumbetan û sariyên deriyên mêşinî
 49 pêlik serjêkirin li ser kevirên keviyên kolanan Temaşe kirin di sehera sibê de maşûqan
43
Dema ez çûm… 
Dema ez çûm jinê reşa xwe avêt ber reşêşkan Destên min î diricifîn firkandin bi tilîkên narîn wan berbûkan  Ramûsanên xwe û bêhna kilên xwe bi min re şandin  Ji heyvê re diyarî bûkên bahoz û bablîsokan
Ez çûm…  Ez nepeyîvîm û çûm… 
Û ez hey diçûm… Her ku diçûm birîn dibû bedena min  Her ku roj diçû ava li ser axa şop û şûnwarê min Êvaran tilîkên xwe li min kil dikirin Xewn li min diherimandin Her ku bîra min dişeqitî û sor dibû kêlekên wê yî  Bi şûna kêlên ku miriyên min avêtibûnê Her ku min dixwest ji wan bi dûr kevim Li pey min dihatin êşên min Sozên min û hewara azadiya şûn û şopên min Ji min dixwestin starek her roj Her rojên min wisa bi dengê xwestina wan çûn  Sal bi sal halekî hêj giran   Heta  Heta  rojek ji rojan hat Lêzimên min ketin ser hev bûn çiya Û çiya ji hisretên min re bûn star. 2010
(Ji pirtûka Baranên Çilesrî-M.Çiya Mazî)

PEYV Û QAL Û BAL JI SÊ HEYVÊN TWÎTERÊ

Li ser réyeké, yén rûniştine ji yén dimeşin re dibéjin 'çima hûn nameşin'. Dinyayek wisa peyde bûye.

*Ne hewce ye hûn bibéjin bila nivîskarek her tim biaxive, ji xwe axaftinén wî di pirtûkén wî de ne... Kerem bikin bistînin û guhdar bikin careké...  Pirtûkén kurdî bixwînin ! :) #BiNivisaKurdî

*Di hemû qadén jiyané de berhem; tiştén mayinde û bibin bingeh, bibin kevirén ré.

*Ji hinekan re hilberîn, kirin, berhem hene, lé téra welatekî nake li nava kurdan. Ji ber ku yén tené dipeyivîn pir in, mézîn serast nabe.

*Peyv rehetiya giyan ji bo demek kin. Kal û pîran jî gotine: 'Bi gotegot mirov naçe cot.'

*Ji peyvén zéde béhtir hilberîn, ji axaftiné béhtir berhem, ji xwestiné béhtir kirin.

*Rojnameya Azadiya Welat ! Kana nivîskariya kurdî !

*Yén dimeşiyan ne betilî ne, yén pir dipeyivîn betilîne li dinyaya kurd, belkî jî nîşana başiyé be ev.

*Ji bo biserneketina tiştekî tawanbarkirina kesan û hézan pir hésan e, loma yén tawanbar dikin pir in, lé li ser dijwarbûna pirsgiréké ku ev sedema yekemîn a neserketiné ye, kém kes dibînin û difikirin.

*Mirovén ku di vé demé de psîkolojiya wan xerab bûbin, belkî jî, ji alî mirovperwerî xwediyé hestén herî baş û giran bin.

*Di pirtûkén lékolînî/berhevkarî de diyarkirina çavkaniyan şert e û kopîkirina pir nabe, tené ji bo selmandiné û çavkaniyê  jégirtin dibe, yan na ew pirtûk dibe ya diziyé.

Em bibéjin 'desturxwestin', lé belé destûrxwestina kopyé nabe, resmen dibe dizî. Keddayin ji her tiştî re péwist e.

*Di zimanekî wekî kurdî de ku pergala telîfé bicîh nebûye, belkî otokontrol hebe û tu nivîskar/berhevkar sînoré keda xwe derbas neke, ev pirsgirék jî nabe bar û astengiyek mezin ji zanîna gel- folklorî re.

*Fikreke pir erzan e tawanbarkirina kurdén bakur. Belkî jî haya we qet ji rewşa bakur û bazara dinyayé tune ye. Pir sivik e jî ev tawanbarkirin.

*Bila Newroz roniya azadiyé bide ser axa xwe. Hilbet mirov here qada newrozê baş e, belkî bibe piştgiriyekê.

*Mirovahî sedsal beré jî ev bû, îro jî ev e.

*Siyaset jî hebû cesaret jî hebû-heye. Pirsgirék pir mezin, tevlihev û di cîhekî pir asé de ye, lewma çareserî zahmet e.

*Çi ji destén kedkaran hat, çi hewce bû kirin û dikin. Heçî gotinén mayî pûç û cehennemî ne.

*Ew bûn, ew in yén di ber xwe didin û dan, yén temaşevan di hérs û şerma xwe de man.

*Aha ev e dîrok û çébûna wé.Serkevtin an tékçûn wisa çédibin.

*Li ser réyeké, yén rûniştine ji yén dimeşin re dibéjin 'çima hûn nameşin'. Dinyayek wisa peyde bûye.

*Yén serbest ji yén derdest re dibéjin 'çima hûn naçin seyrané?'

*Û yén kéfçî ji jinén tékoşer re dibéjin 'çima hûn baş namirin? ji ber wé yeké em baş kéfé nakin li seyranan, li peravan'. Aha dinyayek wisa...

*Çavén zarokan dinyayé dihejîne. Dibéjin, belkî bi xwe bihese.

*Çend Helebçe tén û diçin, lé kurd ji beré zeximtir in.

*Carinan mirov nikare tiştekî bike, lé belé mirov kare tiştinan neke, ew jî kar e.

Mirov kare tiştinan neke ji bo wan; wek kéf û seyranan, wek mesref-kirîna tiştinan û bongîtiyan, wek qurretî û boşboxaziyan wek sersariyan.

*Ez çûm welét çend rojan.Dengekî pir mezin heye di hinavé mirovan de veşartî. Mirov ji rébazén beré nema héviyeké dikin, bendewariyek tofanén mezin zîl didin

*Ew dengé bayé kurr e ku li her deré welét bandora wî heye. Ya giring, mirov wî dengî bibihîze, fém bike, tomar bike û bike enerjiya stranén dîlanan.

*Ji bo hinekan carinan: gellek rébaz û encamén tu rexne dikî, tu jî bûya ji bégavî tuyé di heman réyé re derbas bibûya û bigihaşta heman encamé. Lé wek tu ji bo rexneyan afirî yî û di repertuara te de stranek bi navé "ez jî bikim" tune ye.

*Tu nabe réwî nebe kelemé ré jî.

*Guliyén daran, peyarékén berpalan, buxuşkén ber çeman û deriyén arenayan hemû şahid in ezbenî.

*Dibéjin: hiş, wérekî, dil û ked bibin yek, dinya diafire û dibe seyran.

*Dil û aqil didin ji bo we, tené wijdan dixwazin ji we. Dil, aqil û wijdan...

*Bé zanîn û bé berpirsyarî tawanbarkirin û hukumdanîn ziyana jiyané ye.

*Ezber mala mirov dişewitîne û mala civaké jî mirat dike. Ji bo biryarén başî û nebaşiya yekî/é lékolîn péwist in. Ji bo nirxandina demeké, saziyeké, serketî û neserketîbûna encamî anket péwist in, istatistîk péwist in.

*Hinek jî 'heska xwe yî vala li bin guhé dewla tije av dixin', dibéjin, belkî dilopek tékevé. Ne ji tîbûné ji dexsî û xinizî ye...

*Yén îro bi tilîk û nenûkén xwe dîwaré welaté xwe ava dikin, îro jî sibe jî dé xwedîpeyv bin.

Dû re nebéjin em razayîbûn, çavén me tarî bûn me nedît, an jî me kevnik xistibû guhén xwe dengé hawaré nedihat.

*Li dinyayé ax can dide mirovan, lé mirovén kurd hé jî can didin ji bo axé. Bes e ey ax! can bide me.

*Dibéjin "meraq neke!" Gelo kîjan hiş dikare meraq neke? Kîjan dil dikare nelive? We aqil berdaye qey?

*Hinek henin gaveké tené diavéjin, péncsed peyvî dikin, lewma kes naxwazin bi wan re bimeşin. Ew jî ji axaftiné ré şaş dikin. Peyvén minetiyé dibéjim.

*Dinya dilive hédî hédî Zindî hebin dinya heye Dinya ji bo zindiyan e ji xwe

*Ey axa xeyalén min veşartiye ! Berqefek te tuneye qey lé bifirim?

*Rewş û pirsgirékén niha yén weşanxaneyan, çapkirina pirtûkan,yén nivîskaran, yén wéjeyé û gellek tiştén din bi tékoşîna welatekî ve girédayî ye. Mineta van karana nabe. Her kes bi xwe li çareyan bigere gellek pirsgirék jî çareser dibin.Ku nebe jî, sûc ne yé kesan û grûban in.

*Mirov pirsgirékén xwe bavéje ser hinekan û pal bide, ew rehetiya can e.

*Ax dilé min î bi teperep ax !

*Tu kurd î, ew kurd e, yé din kurd, baş e. Lê belê çima hûn nizanin tipek tené bi kurdî binivîsin? :)

*Çawa dayika xelké nabe dayika mirov, kanona xelké jî nabe kanona mirov :) Hevoksaziya zimanén xelké jî, nivîskariya xelké jî nabe wek ya mirov :)

*Ku her tişt li her deré bihata gotin, çima siyaset hebû?

*Carinan mirov ezberan, hestiyariyan bavêje, carinan manevra,ji alîkî din de nêrîn hewce ye, ji bo çareseriyan.Tiştê min ji Demirtaş fêmkiriye ev e. Teqez ew dehqatê van tiştana zane. Ew "entelektuelekî siyasî" ye.

* *Hinek kes navé nivîskaran, navé siyasetmedaran teqlît dikin, ne ewle ne.  Ji bir nekin édî nîjadperest û zulumkar jî karin bi kurdî binivîsin.

*"Yê dike mirişk e, lê barîn para dîk e". Çima? Bila ne wisa be.

*Cureyén zulma we nayén jimartin, darvekirinén we û kuştinén we nayén jimartin, tevkujiyén kurdan ku we kirine nayén jimartin. Hûn çinin û ne çinin, alem pé dizanin. #iran.  Zulma we ji hundur e, lé bertek û serhildan ji derve ye ne wilo? Ya ya gidî kurmén Eyub !

*Li gor http://Diyarname.com  dibéje, 171 pirtûkén kurdî hatine weşandin di salek qeyranî, sala 2017 de. Hévîdar im 171 xwendevané kurdî jî zéde bûbin.

*Carinan mirov guh nede rexnegiran belkî baştir be; ku mirov ji nivîskar, helbestvan, çîroknûsek û siyasetmedarekî/ê hez bike, mirov bi xwe here lê guhdar bike, pirtûkên wî/wê teqez bixwîne û bi hişê xwe tevbigere. Lewre dibe ku hesûsî li her derê hebe. 02.01.2018-09.04.2018

Piştî sê mehên xebatê, çapa duyemîn a FERHENGA GOTINÊN PÊŞIYAN derket !
Bila ev jî helwestek min be li himber bişavtinê, dagirkeriyê û pêkûtiyê (M.Çiya Mazî). Di vê pirtûkê de ne tenê gotinên pêşiyan, gellek mijar û gotar hene. Hûn karin ji weşanxaneya Berbangê bixwazin: wesanenberbang@gmail.com , musadem47@gmail.com. Niha li Stenbolê Seto-Tetto sahafıye û di demek nêzîk de li Amedê diwww.pirtûkakurdî.com dê bê belavkirin.
MIJARÊN DI VÊ PIRTÛKÊ DE CÎH GIRTINE:
Gotinên pêşiyan çi ne, ne çi ne.
Taybetiyên wan.
Mînakên gotinên pêşiyan bi tirkî û li himber wan yên kurdî.
Di gotinên pêşiyan de hunera peyvê û wêjeyê.
• Şibandin
• Rêzbendî (kafiye)
• Wezn û pîvana kîteyan
• Vegotina peyv û axaftinê
• Vegotina çîrokî
• Vegotina mecazî û pêwendî
• Vegotina xeberbazî (çêrbazî) û qerfokî
• Vegotina duwateyî (tewriye)
• Vegotina hevnegirtî (bi nakokî)
• Vegotina remzî (simbolî)
Di gotinên pêşiyan de peydekirina ramana bingehîn.
Cûdahiya biwêj û gotinên pêşiyan.
Mînakên hinek biwêjan.
Mînakên hinek biwêjên tirkî û li himber wan yên kurdî.
Di pirtûkan de gotinên pêşiyan û biwêj .
Werger û gotinên pêşiyan û biwêjan.
Wergera gotinên pêşiyan yên îngilîzî û li himber wan yên kurdî.
Çend gotinên zaraveyê kurdî-soranî.
Çend gotin û biwêjên ji zaravayê kurdî-dimilî.
Mînakên gotinên pêşiyan ji neteweyên dinyayé.
Gotinên navdaran (yén kurdan û dinyayê).
Gotarên li ser gotinên pêşiyan û biwêjan.
Nîqaşa 3 nivîskaran li ser 45 gotinên pêşiyan.
FERHENGA GOTINÊN PÊŞIYAN: wate û ravekirina 2001 heb gotinên pêşiyan (kurdî-kurmancî.
Rêza gotinên pêşiyan (kurmancî, soranî, dimilî) Çavkanî rûpel-480. 

JI BO ÇAPA DUYEMîN - (Pêşgotina 'Ferhenga Gotinên Pêşiyan'.)

Çapa yekemîn ya vê pirtûkê di sala 2005an de çêbû. Lê belê nivîsîna wê ji salên 1990î de li navenda Mêrdînê dest pê kiribû. Wan salana pir dijwar bû. Him karmendê dewletê bûm wê demê û him min bi kurdiya qedexe û bi metirsî dinivîsand. Serpêhatiyên wê demê pir in. Dema ku metirsiya saxkirina malan hebûya min carinan notên xwe dixistin kîsekî naylon û dibir cihê kar an jî min li dikaneke nas datanî û min digot, “bila ev li vir be karekî min heye, heta têm.” Lê belê piştî hinekî metirsî derbas dibû, du sê rojên din diçûm dikanê. Min lêborîn dixwest û digot “bibore min ji bîr kiribû”. Carekê min ew not li dikanek yekî ereb danîbûn, (bawerim sala 1997an ya jî 98an bû), du kovarên kurdî jî di nav wan de bûn. Yê ereb du rojên din vekiribû, lê nêrîbû û hema yekser avêtibû qutîka gemerê. Bereket ku ez jî wê rojê çûbûm. Min pirsî got aha wa di qutîkêde ne. Min çû li qutîkê nêrî ku neçirandine, hinekî qermiçandî ne û hew. Bi lezgînî min derxist. Got “exûyî ev çine begim, ne tiştên qedexe ne?” Ku yekî kurd bûya belkî min jê re rewş vegota, lê  ji wî re min got “na na, ew fransizî ne û wan kovarana jî reklam in, ez aniha wan diavêjim.” Ji ber ku alîkariya min a kirîna alavan ji wî re çêbûbû, fêm kiribû lê dengê xwe zêde dernexistibû.

Îjar bi gellek zahmetiyan hatibû qedandin ew xebata vê pirtûkê. Piştî min qedand min ew şand ji Muslum Yucel re ku weşanxaneya Sî yê ava kiribû li Stenbolê. Bi fedekariyek mezin pirûkên gellek nivîskarên nû çap dikir. Ev jî çap û belav bû di sala 2005an de. Piştî çapê bi çend mehan gellek nivîskarên navdar ji her aliyê Kurdistanê û ji Ewropa hatibûn Mihrîcana Çandê, ya şaredariya partiya kurdan bi rê ve dibir ya Amedê ku li dar xistibû. Li Amedê min û ji wan hinekan hevdû dîtibûn. Dû re bi vexwendina maleke navdar, li dora 25  heb ji wan nivîskaran hatin gundekî Qoserê û ez jî çûm ba wan. Min 6 heb ji vê pirtûkê birin û min wek diyarî da 5 nivîskarên ku her yek ji beşeke welêt û Ewropa bû. Pir kêfa wan hatibû ji bo xebata ferhengek wisa cihêreng. Ji diyariyan yek jê ji Mamoste Mustafa Reşîd re bû ku keda wî jî ketiyê vê pirtûkê û spasdarê wî me. Nivîskarê başûrî Mueyed Teyib pir israr kir ku yekê bidim wî jî. Ya ku min ji xwediyê malê re anîbû min da wî. Wî got ez dixwazim li başûr bi tîpên erebî çap bikim. Min pejirand û piştî salekê li wir jî hat  weşandin, tevlî ku rewşa çap û weşanê ne pir bi dilê min bê jî.  Lê îro bi halekî din, li welatekî din, bajarekî din û ez malnişînbûyî, ji bo wê pirtûkê çap bikim vê pêşgotinê dinivîsim. Wê demê weşanxaneya sî yê gotibû, me 1200 nusxe çap kirine, di sala 2017an de nusxeyên çapa yekemîn li her derê, li ba firoşgeran qediya bûn. 

Ji ber ku gellek şaşiyên zimanî û rêzimanî hebûn û ji bo ew bi awayekî hê baştir bigihêje rojên pêş, min dîsa sê mehên xwe dayê û li ser xebitîm ji bo çapa duyemîn bidim çapkirin di weşanxaneya Berbangê de.  Heta min karîbû min ji nûv de sererast kir, bêyî ku forma peyvan û gotinên herêmî biguherim. Min tenê sererastkirinên maddî, rêzimanî û tashîhî çê kirin di vê çapê de. Hêvîdar im sûdeyek wê dê ji çand, zargotin, folklor, nivîs û wêjeya kurdî re çê bibe. Û di demek pir dijwar ya kurdan de çap dibe ev pirtûk. Dema min dosye da mîzanpajê şerê Efrînê dest pê kirûbû û kurd li ser piyan bûn û di roja heftan de hê jî didomiya. Û wer xuya ye û bawer im ji kurdan re zîvirokek azadiyê ya giring e ev şer. Dîsa jî naxwazim şer li tu derê dinyayê di tu deman de biqewime û pirsgirêk bi aştiyê çareser bibin. Helwesta nivîskarekî kurd yek jê jî li himber bişavtin û tunekirina serdestan, xebata nivîsandina wî ya bi kurdî ye dibêjim û bi rêzdarî. M.Çiya Mazî – Stenbol Rêbendan 2018 

Spasiyek Taybet: Ji bo alîkarî-sponsoriya çapa duyemîn, ji Alî Temel (Kurê Şêxmûsê Dawidê Ûsib-Dawidê Ûso, ji Kurrika Şemrexa Mêrdînê) kurxalê min, ZOR Spas

Çalakî: Roja şemiyê (Cumartesî) li Janya Kafeya Stenbol/Beyoglû, M.Çiya Mazî dê pirtûkên xwe îmze bike û helbestên xwe bixwîne.

TÊBINIYÊN VÊ MEHÊ

*Gellek kes dikarin helbesté çîroké, romané bixwînin, dikarin binivîsînin jî; lé belé nirxandina wan, analîza wan tiştekî din e.

*Tu çîroknûs an hebestkaré herî navdar û hezkirî bî jî, belkî tu nikaribî analîzeké tené jî ji bo wan (helbes, çîrok) bikî. Lewre ew tiştekî din e me got.

*Tu wéjevané herî navdar bî jî, ramana te girîng e, lé belé, belkî tu ténegihéjî ku wateya çalakiyek, gotinek siyasî çi ye, lewre ew jî tiştekî din e.

*Û dawî dawî, tu siyasetmedarekî herî navdar, herî mezin û pîspor bî jî, dibe ku tu nikaribî, çîrokek wéjeyî an jî rézikek hebesté bivîsînî, lewre ew jî tiştekî din e...

*Carinan mirov guh nede rexnegiran belkî baştir be; ku mirov ji nivîskar, helbestvan, çîroknûs an ji siyasetmedarekî/ê hez bike, mirov bi xwe here lê guhdarî bike, pirtûkên wî/wê teqez bixwîne û bi hişê xwe tevbigere. Lewre dibe ku hesûsî li her derê hebe.

*Nexwe demokrasî, dad, rézgirtina maf û huquqa mirovan di hiş û ramana mirov de tune be; pere, navdarî, ziman û dewlet tené mirovan hemwelatiyan tér, dilxweş û azad nake.

Û kurdan pratîka hemû teoriyén şoreşan di van pénc salén dawiyé de dîtin.

*Jibîrkirin lukseke me dixapîne îro. Me Hemîd Dilbihar ji bîr kir? http://diyarname.com/news.php?Idx=27399 …

*Tiştekî pir girîng heye ku gelek kes karin bikin; herkes kare ji mirovén ku ji kar hatine avétin û bûne esnaf tiştan bikirin, herin kafeyén wan. Liveke hésan e ku mirovek bike. Gellek mirovén kurd û kurdîhez wisa perîşaniyé dikişînin hene, haya we jé heye? Bi cîh gellek kes karin herin kargehén wan û tiştén ku her roj péwistin bikirin. Lê yên ku vê alîkariyê manîpule jî bikin, ew jî heye.

*Biryarén siyasî bi awayé fermî gel temsîl dikin, lé di nava gelan de tékiliya mirovahî û jiyanî piré caran cuda ye. Bi gotina siyasetmedarekî, gel nabe nîjadperest.

*Ji bo pankarta HDPê ez wekî Leyla Polat @leylileylacan difikirim, bila kurdînûs biborin. Ji ber gellek sedeman. Belkî hinek ji hezkirina xwe ya kurdî tiştinan dibêjin,lê ne bi vî şiklî û ne ji hin şaşiyên wisa biçûk re ew qas tofan. Hinek jî dîsa wek firsend êriş dikin.

*Dinyayê bidin wan jinan ku hemiyî bikin Rojava û her dem roj lê be neçe ava... Deyné wan mamosteyén jiyana azad û roniyé li ser me giran e ezbenî. Wan taht û zinarên tuxûban û peravên Feratê dibêjin: ew dê bibin roniya sal û deman...

*Me got romantizm xelas bû realîzm dé were, lé dram li ser dramé hat, travmayan kon veda. Û hévî dibéje bijîşk her dixebitin ji bo şifayé. Dibéje helbest e terapî.

*Beré mirovan gotarén rojnameyén kurdî dixwendin,zivér bûn. Dû re ketin facebooké tené paragraf xwendin, zivér bûn. Û derbasî twîteré bûn tené hevokek téra wan dikir. Ji wé jî zivér bûn, çûn instagramé,wéne tené man û emojiyek bes e niha,hindik ma ew jî here. Çiyé were nizanim?

Ji xw li hemû dinyayé jî pir cûdatî tuneye bawerim.

*Gelo di pêşniyar û nirxandina pirtûkan de jî hemşerîtî û hevaltî dibe? :) Hilbet pirtûka xweş û li gor mirov baş be, ya hevalan û hemşeriyan jî dibe pêşniyar, lê ne her pirtûk-wêje, stran, helbest... Belê ya SeheraSelocan tiştekî din e, helwestek baş e, ew ji derî vê gotinê ye.

*Carinan hinek, tiştekî, livekê bi neyînî rexne dikin, lê belê tu lê dinêrî yê herî pir wê livê, wî tiştî dike ew e. EGOİST çibû, ew e.

*Wateya peyvên: 'Xiyanet-Dostanî, Mêranî, Namûs',belkî ev bin niha li dinyayê:"Siyaset-Têkilî,Teknîk-Teknolojî, Takekesî".
JI TWÎTTERÊ... 23.12.20017